HOTTÍS
Heimsóknir
Í dag:  7  Alls: 67258
13.2.2008 05:14:37 / TINNA

UPPSKRIFTIR

Hér getið þið sett inn uppskriftir úr hittingum!

Ostakaka gönguklúbbsins (frá Tinnu)
Botn:
1 poki möndlumakkarónur
175 g brætt smjör

Kakan:
100 g appelsínulíkjörs rjómaostur
200 g hreinn rjómaostur
200 g flórsykur
1/2 L þeyttur rjómi

Ofan á kökuna:
200 g brætt súkkulaði
1 box sýrður rjómi

Kakan fryst og tekin úr frysti 1 1/2 klst fyrir notkun.



Kjúklingurinn sem ég kom með er alveg svakalega einfaldur.
það er besta að nota bringur eða lundir. En ég hef sett þetta á vængi og legi og það er líka gott að grilla það.
1 dolla hreint jógúrt
2 bréf tandoori krydd. indverskt krydd í bláum bréfum.
þessu er blandað vel saman helst daginn áður og kjúklingurinn látinn liggja í þessu yfir nótt. og svo er þessu raðað á teyna það er líka gott að setja grænmeti á teynana með kjúklingnum og grillað vel. Svo við fáum ekki salmonelu.

Ásta

 

Hér kemur uppskrift af ídýfiunni frægu úr afmælinu mínu

1 dolla Rjóma ostur stór blá dolla

1 krukka taco sósa, hot

1/2-1 rauðlaukur, eftir smekk

öllu hrært saman og látið í eithvað form stráið svo því grænmeti sem ykkur langar í yfir til skreytingar!
 

Guðný

Ásta María

alveg fullt af æðislegum kjúlla uppskriftum.

Bitar - Kjúklingabitar í rommkryddlegi

2 kjúklingar eða ca. 2,2 kg bitar
4 msk. dökkt romm
Safi úr 2 lime-ávöxtum
3 vorlaukar
2 msk. sojasósa
3 hvítlauksrif
1 tsk. timjan
2 tsk. karrí


 

Setjið kjúkling í ílát. Fínsaxið laukinn og skerið hvítlaukinn í bita.

Blandið saman rommi, lime-safa, sojasósu, lauk og hvítlauk. Kryddið með timijan og karríi. Hellið leginum yfir kjúklinginn og látið standa í ísskáp yfir nótt ( a.m.k. 12 klst.)

Forhitið ofninn í 175°C. Bakið kjúklinginn í 45 mínútur eða þar til rétturinn er fallega brúnaður. Snúið kjúklingnum nokkrum sinnum við meðan á steikingu stendur. Skreytið réttinn með lime-sneiðum og þurrkuðu timjan. Hrísgrjón eða bakaðar kartöflur eru góðar með þessum rétti.

 

Bitar - Kjúklingur með brúnuðum hrísgrjónum

1 kg kjúklingabitar
1 msk. matarolía
1/2 tsk. paprikukrydd
1/2 tsk. salt
2 dl hrísgrjón
100 gr gulrætur
1/4 tsk. Engifer
 

Hitið ofninn í 200°C. Blandið saman olíu og kryddi og penslið kjötbitana. Raðið þeim með kjöthliðina niður í smurt eldfast mót. Steikið í ofni í 10 mínútur, snúið síðan bitunum og steikið í 20 - 25 mínútur.

Látið grjónin þurr í þurrt stórt mót efst í ofninn um leið og kjúklinginn og brúnið í 8-10 mínútur. Hreinsið gulrætur og skerið í sundur. Losið grjónin í minna eldfast mót. Blandið gulrótum, salti og engifer saman við og síið kjúklingasoðið yfir. Látið í ofninn við hliðina á kjúklingnum eða neðst í ofninn og bakið í 25 mínútur.

Berið þetta svo fram með grænmetissalati og sýrðum rjóma.


 

Bitar - Kjúklingur í ediki

1 stk. Kjúlli í 8 bitum.
Salt og ferskur, malaður pipar
50 gr smjör
100 gr skalotlaukur, fínt saxaður
150 ml vínedik
1 bouqet garni
100 ml þurrt hvítvín
150 ml kjúklingakraftur
25 gr smjör og 10 gr hveiti hrærð saman með gaffli
1 msk. steinselja


Kryddið kjúklinginn með salti og pipar. Hitið smjörið á pönnunni og steikið bitana á öllum hliðum í 7-8 mín. eða þar til þeir eru gullinbrúnir. Setjið skalotlaukinn út í og sjóðið í eina mínútu, hellið þá vínedikinu út á pönnuna. Þá kemur bouquet garni og svo á að setja lokið á pönnuna og sjóða við vægan hita í u.þ.b. 10 mín.

Takið kjúklingabitana af pönnunni, allt nema lærin sem þurfa að vera í 5 mín í viðbót. Haldið hita á kjúklingnum á meðan sósan er búin til.
Hellið hvítvíninu út á sósuna og látið sjóða upp að einum þriðja. Bætið síðan kjúklingakraftinum út í og síðan smjör- og hveitiblöndunni til þess að þykkja sósuna. Ef hún verður of þykk má þynna hana með kjúklingakrafti og vatni. Bragðbætið með kryddi.

Setjið kjúklinginn á djúpan disk og hellið heitri sósunni yfir. Skreytið með steinseljulaufum og berið fram undir eins.

  

Bitar - Mexikóskur kjúklingur í sætri kryddsósu

1 stór Kjúlli í bitum eða Kjúlla bringur
Sósa:
4 msk. púðursykur

1 1/2 msk paprikuduft
Salt
1 1/2 sinnep
1/4 tsk chilliduft
3 msk. Worcestershiresósa
1/2 dl hvítvíns- eða borðedik
2 dl tómatsafi
1 1/2 dl tómatsósa
1 dl vatn

Raðið kjúklingabitunum í eldfast mót. Setjið allt sem fer í sósuna í pott og sjóðið við vægan hita í 15 mínútur.

Hellið sósunni yfir kjúklinginn og bakið í 200°C heitum ofni í 50-60 mínútur. Berið fram með brauði og hrísgrjónum með maísbaunum.


 

Bitar - Möndlu & furuhnetu kjúklingur í eldföstu móti

1 kjúklingur í bitum (8 bitar)
6 stk litlar kartöflur
2 stk vel þroskaðir tómatar
3 stk meðalstórir laukar
6 msk olívu olía
100 gr furuhnetur
100 gr möndlur
1 lítið glas hvítvín (má nota mysu)
safi úr hálfri sítrónu
2 stk hvítlauksrif
fersk steinselja
ferskt timian
pipar
1 stk kjúklingateningur (kjúklingakraftur)
salt

Nuddið botninn á eldföstu móti með hvítlauksrifi og setjið kjúklingabitana í mótið. Takið hýðið af tómötum og kartöflunum. Skerið í grófa bita ásamt lauknum og setjið í mótið með kjúklingnum.

Saxið hvítlaukinn smátt (ekki pressa hann) og stráið yfir kjúklingabitana ásamt steinseljunni og timian. Bætið svo við sítrónusafanum, furuhnetunum , möndlunum og kryddið með salti og pipar.

Leysið kjúklingateninginn upp í litlu glasi af vatni og hellið á kjúklinginn. Þar á eftir bætið þið við hvítvíninu og olíunni. Passið að hella vökvanum eins jafnt yfir og hægt er svo vökvinn blandist vel saman.

Setjið kjúklinginn í 180° heitan ofn og eldið í 1 og ½ klst. Takið úr ofninum og látið standa í 10 mínútur áður en borið er fram.

 

 


 

Bitar - Pönnusteiktur kjúklingur með tómötum og tarragon

1 stór kjúklingur (u.þ.b. 1700 gr.) skorinn í 8 bita
Salt
Malaður svartur pipar
3 msk olívu olía
4 stk meðal stórir skarlot laukar –saxaðir smátt
½ bolli þurrt hvítvín
¼ bolli hvítvíns edik
2 stk meðal stórir tómatar, afhýðaðir og saxaðir smátt
1 msk tarragon krydd

Kryddð kjúklinginn með salti og pipar eftir smekk. Hitið olíuna á pönnu. Bætið kjúklingabitunum útí og eldið yfir meðalhita í 12 mínútur, snúið bitunum við af og til á pönnunni meðan á eldunartíma stendur. Takið kjúklinginn af pönnunni og setjið álpappír yfir hann til að halda honum heitum.

Takið af pönnunni allan vökva og afganga sem gætu verið á eftir steikinguna, nema sem samsvarar 2 msk af olíunni. Bætið út í soðið skarlot lauknum og látið malla þangað til laukurinn er orðinn mjúkur. Bætið hvítvíninu út í og látið hitna upp að suðumarki. Lækkið hitann og látið malla þangað til eftir er af víninu á pönnunni u.þ.b. ¼ bolli.

Bætið út í edikinu, tómötunum og tarragon kryddi. Bætið kjúklinga bitunum síðast út í. Setjið lokið á pönnuna og látið malla þangað til kjúklingurinn er tilbúinn ( 10 mín).
Berið strax fram.

  

Bitar - Sítrónukjúklingur

800 g kjúklingabitar
3 sítrónur
2 msk ólífuolía
2 msk glært hunang
2 hvítlauksrif
4 stilkar ferskt rósmarín eða 2 tsk þurrkað
50 g svartar ólífur
2 1/2 boli hrísgrjón (jasmín eða hýðishrísgrjón)
 

Kreistið safa úr tveimur sítrónum í stóran pott og hitið. Bætið ólífuolíu og hunangi saman við. Saxið hvítlauksrifin og mýkið í pottinum ásamt rósmaríngreinunum.

Hitið ofninn í 200°c. Steikið kjúklingabitana í blöndunni og snúið þeim nokkrum sinnum.

Raðið bitunum að því loknu í eldfast mót. Skerið eina sítrónu í báta og raðið í fatið í kringum bitana ásamt ólífum. Bakið í 200°c heitum ofni í 45-50 mínútur. Ausið vökvanum af og til yfir réttinn á meðan hann bakast.

Berið fram með jasmín- eða hýðishrísgrjónum og fersku salati ásamt brauði.

Bitar - Tandoori - kjúklingur

Magnús Þorkelsson, kennslustjóri er með þessa

1 stk. kjúklingur í bitum ( ca. 1.5 kg).
Tandoori krydd frá Bart Spice eða Rajahsa
Hrein jógúrt (2 litlar dósir)
Sítrónusafi
Rauður og gulur matarlitur ef vill

Kjúklingnum skipt í að minnsta kosti fjóra hluta. Skinninu er flett af og kjúklingurinn þurrkaður. Hrært upp í jógurtinni og 2 msk. af Tandoori kryddi blandað saman við ef maður vill hafa bragðið milt en 3 msk. ef styrkurinn á að vera meiri.

Út í þetta eru jafnframt settar 2 msk. af sítrónusafa. Kryddlögurinn er borinn á kjúklinginn sem raðað er ofan í stórt fat þannig að bil sé á milli bitanna. Þetta er látið standa í tólf tíma en best er að það sé sólarhringur. Síðan ræðst það af árstíð og aðstæðum hvernig þetta er eldað. Notast má við gasgrill, kolagrill eða bakarofn.

Stykkjunum er raðað á plötu eða bökuð í fatinu og látin liggja þar svo lengi sem þarf, líklega 45 til 55 mínútur við 200°C hita. Snúið og kryddblandan borin á og loks sett undir grill í 5 mínútur í lokin. Sumar tandoori-blöndur eru rauðleitar og kjúklingar sem fást á veitingahúsum eru þannig. Ef Bart-blandan er notuð eða aðrar grænleitar blöndur er ágætt að setja smá matarlit í blönduna, gulan 1 tsk. og rauðan 1/2 tsk. til að fá réttan lit.

 

Blandað - Curry kjúklingasalat með jógúrt


150 - 200 gr afgangar af elduðum kjúklingi rifnir niður
1/2 stk gúrka skræld og skorin í hálfmána
1 stk harðsoðið egg
handfylli af cherry tómötum (þessir litlu) skornir í tvennt
1 stk salathöfuð sem þér finnst gott
1/4 bolli möndlur
1/4 bolli hrein jógúrt
1 tsk Thai grænt curry paste (eða eftir smekk)
smá salt
smá niðurrifið ferskt engifer eftir smekk
sítrónusafi eftir smekk
ferskar dill greinar til skreytingar

Blandið saman curry paste, jógúrt og sítrónusafa og hrærið þangað til allt er blandað vel saman. Setjið öll efnin saman í skál og hellið sósunni yfir. Skreytið með dill greinunum.

 

 


 

Blandað - Karríkjúklingur

1.5 kg. kjúklingabitar
1-2 laukar & 2 hvítlauksgeirar
Smjör eða matarolía til steikingar
2 tsk. karrí
2 dl kjúklingasoð
1 kanilstöng
Eldpipar á hnífsoddi (cayenne)
1-1,5 dl rjómi
Sósujafnari

Brúnið kjúklinginn vel í smjörinu eða olíunni. Takið bitana upp úr. Saxið lauka og hvítlauksrif og mýkið á pönnunni. Kryddið með karríi.

Hellið nú kjúklingasoðinu saman við, setjið kanilstöngina út í og kryddið með eldpipar. Setjið kjúklingabitana aftur út í og látið réttinn krauma í 35-40 mínútur.

Takið kanilstöngina upp úr. Hreinsið kjötið frá beinunum og skerið í bita. Hellið rjómanum út í sósuna og þykkið með sósujafnara. Setjið kjötið aftur út í og hitið vel. Skreytið með bananasneiðum, paprikusneiðum og agúrkum. Stráið kókosmjöli yfir. Berið fram með hrísgrjónum.

 

Blandað - Kjúklinga Lasagna

500 gr. brytjaður kjúklingur
1 dós (16 oz) niðursoðnir tómatar
1 dós (6 oz) tómat púrra
1 ½ msk söxuð steinselja
1 ½ tsk salt
1 tsk basil
u.þ.b. 200 gr Lasagna plötur
2 dósir kotasæla, hrein
1 egg, slegið saman
¼ tsk pipar
180 gr Mozzarella ostur
¼ bolli Parmesan ostur

Setjið kjúklinginn á meðalheita pönnu og hrærið af og til í 6 mínútur. Setjið niðursoðnu tómatana, tómatpúrruna, ½ tsk af steinseljunni og 1 tsk af saltinu í blandara og hrærið vel saman. Hrærið blöndunni saman við kjúklinginn á pönnunni og látið malla í u.þ.b. 20 mínútur.
Blandið saman í skál afganginum af steinseljunni, afganginum af saltinu, kotasælunni, egginu og pipar.

Setjið nú allt í eldfast mót. Fyrst kjúklinginn, þá kotasælublönduna , mozzarella ost, og síðan lasagna plöturnar, aftur kjúkling og síðan parmesan ost. (eða blandið eins og hverjum þykir best)

Mjög gott er að geyma í ísskáp yfir nótt áður en eldað en ekki nauðsynlegt.
Setjið í 190° heitan ofn og eldið í 30 mínútur. Látið standa í 10 mínútur áður en borið fram.

Fyrir 6 manns

Blandað - Kjúklinga og baunasalat

300 g kjúklingakjöt
1 dl rauðar nýrnabaunir
1 dl hvítar baunir
1 ananas (ferskur)
1 búnt salat eftir smekk
1/2 búnt steinselja
1 rauðlaukur
1/2 dl hvítvínsedik

Leggið baunirnar í bleyti í kalt vatn í a.m.k 12 klst. (ath. hvora tegund fyrir sig.)
Hellið vatninu af baununum og sjóðið þær skv. leiðbeiningum á pakka (hvora tegund fyrir sig). Bætið örlitlu salti út í vatnið. Kælið.

Skerið soðið eða grillað kjúklinga- eða kalkúnakjötið í strimla. Afhýðið ananasinn og skerð í teninga.Saltið og piprið hvítvínsedikið. Saxið rauðlaukinn smátt og hellið edikblðndunni yfir.

Skolið salatið og rífið niður í skál ásamt kjúklingastrimlum og ananas. Blandið kældum baununum saman við. Hellið rauðlauksedikinu og grófsaxaðri steinselju yfir.
Berið fram með grófu brauði.

 

Blandað - Ofnréttur úr afgöngum


Soðið kjúklingakjöt
1 lítill broccolihaus
Hálft franskbrauð
3 msk. sýrður rjómi
1 dós blaðlaukssmurostur
2 dl mjólk
3 bollar hrísgrjón
5 - 6 sveppir
Rifinn ostur

Byrjið á því að sjóða hrísgrjónin. Á meðan að þau sjóða er hægt að skera niður sveppi og broccoli. Franskbrauðið má rífa niður í litla ferninga. Kjúklingakjötið, sem er best að hafa beinlaust, grænmetið og brauðið fer svo allt í eldfast mót sem að smurt er með sýrða rjómanum.

Mjólkin er hituð í potti og blaðlauksostinum bætt út í. Þegar hrísgrjónin eru tilbúin má blanda þeim saman við kjúklinginn, brauðið og grænmetið og hella svo ostasósunni yfir.Rifna ostinum er svo stráð yfir og þetta sett inn í 180°C heitan ofn í 15-20 mínútur. Skreytið með söxuðum blaðlauk áður en borið er fram.

Þetta er ofsalega gott með fersku ávaxta- eða grænmetissalati.


 

Blandað - Thailenskur kjúklingur á hrísgrjónabeði

600 gr kjúklingur skorinn í strimla
3 msk sesam olía
1 msk saxaður hvítlaukur
2 stk paprika (ein rauð og ein græn)
1 laukur
10 stk sveppir
1 bolli niðurskorið broccoli
¼ bolli teriyaki sósa
1 msk sósujafnari /kartöflumjöl
3 msk hnetusósa
Hnetur (má sleppa)

Sjóðið 1 bolla af hrísgrjónum. Hitið steikarpönnu vel (wok pönnu ef þið eigið), setjið olíuna á heita pönnuna og passið að hún þekji botn pönnunar vel. Setjið hvítlaukinn og grænmetið á pönnuna , eldið í 2 mínútur og hrærið vel í á meðan.

Takið grænmetið af pönnunni eða ýtið því að köntunum og setjið kjúklinginn á miðja pönnuna. Eldið í 4 mínútur eða þangað til kjúklingastrimlarnir eru ljósbrúnir og eldaðir í gegn. Hrærið af og til í öllu meðan á steikingunni stendur.

Blandið saman teriyaki sósu og sósujafnara/kartöflumjöli í litla skál, hrærið í með gaffli þangað til efnin hafa blandast vel saman.

Hrærið saman við k

Klukkan
Dagsetning
28. nóvember 2014